QUICK DELIVERY
Swift dispatch
A Standard English-Swahili Dictionary
This dictionary is founded on Madan's original Swahili Dictionaries. It contains not only equivalent for English words, but also short explanations in Swahili of words, phrases, and idioms occurring in modern English. Many definitions and examples contained in this work are identical to those in Madan's dictionaries, but others have been revised, and both the English vocabulary and the Swahli equivalents and definitions have been considerably augmented. The arrangement adopted is aimed at assisting the Swahili speaker in establishing the connection between the different parts of speech in English.
Upeo wa Ufahamu na Ufupisho
'Upeo wa Ufahamu na Ufupisho' kwa Shule za Upili ni kitabu cha mazoezi na marejeleo kwa wanafunzi wa shule za upili. Kitabu hiki kipya katika uwanja huu kitamwongoza mwanafunzi kujiandaa kwa mazoezi ya ufahamu na ufupisho. Kina sehemu mbili kuu: Ufahamu na Ufupisho.
n
nKatika kitabu hiki utapata:
n
-
n
- mada zote za ufahamu na ufupisho zilizoratibishwa kwenye silabasi. n
- sura kumi na moja zinazoshughulikia mada mbalimbali za ufahamu na ufupisho. n
- mazoezi ya kila kipengele kilichofundishwa. n
- mazoezi kumi ya ziada. n
- majibu ya maswali yote. n
Upeo wa Insha kwa Shule za Upili
'Upeo wa Insha' kwa Shule za Upili ni kitabu kilichoandikwa na walimu wenye tajiriba pana ili kumwongoza mwanafunzi hatua kwa hatua katika utungaji na uandishi wa insha. Katika kitabu hiki, utapata:
n
-
n
- insha zote zilizopendekezwa katika silabasi ya Kiswahili kwa shule za upili. n
- maana ya kila aina ya insha. n
- miundo ya aina zote za insha. n
- sifa bainifu kwa kila aina ya insha. n
- umuhimu na tahadhari zinazoandamana na kila utungo. n
- mifano kemkemi ya insha, pamoja na maswali ya mazoezi. n
- maelezo kuhusu uandishi na utahini wa insha. n
Kwenye Ukingo wa Thim
Mashetani
Kitaru na Juma ni vijana wawili ambao wanasoma katika Chuo Kikuu cha Dar es Salaam, waniotoka katika familia mbili za kikabaila ambazo zenye historia zilizofanana na zilizotofautiana.Ukabaila wa familia ya Juma ni 'ubwanyenye', na ukabaila wa familia ya Kitaru ni 'unaizi'.Katika mchezo huu ukabaila wa aina ya familia ya Juma umeanza kung'olewa, lakini ukabaila wa aina ya familia ya Kitaru ndiyo kwanza unatiliwa mbolea na uzalendo. Daina ya Kitaru na Juma kuna mapenzi na chuki, shaka na wasiwasi, tuhuma na dhambi, huku wakitafuta uhusiano wa maana katika wakati na hali waliyonayo.
Utashi wa Dola na Hadithi Nyingine
Kila mtu hufanya juhudi ili apate kufaulu maishani. Katika hali hii, ahadi nyingi hutolewa, miadi ikapangwa na mikakati kuwekwa ili kufanikisha maazimio. 'Utashi wa Dola na hadithi nyingine' ni mkusanyo wa hadithi fupi zinazoakisi maisha ya wanadamu: hisia zao, mitazamo yao, ndoto zao, matumaini yao. Ubora wa hadithi katika mkusanyo huu haumo tu katika uanuwai wa fani bali pia kwenye mseto wa ufundi wa wachangiaji ambao wana asili na mitazamo tofauti. Aidha, hadithi hizi zimeteuliwa kwa upekee wa maudhui yanayoangaziwa, kama vile tamaa, nafasi ya mtoto wa kiume, ufisadi, dhuluma na unyanyasaji, ubinafsi, mapenzi, ndoa, usaliti miongoni mwa mengine mengi.
n
nHadithi hizi zimeandikwa na waandishi, mahiri na chipukizi, kutoka maeneo mbalimbali ya Afrika Mashariki. Mchango wao katika diwani hii ni wa kipekee na bila shaka utakupa kila sababu ya kuthamini uanuwai wa tamaduni zetu mbalimbali, zinazofanikisha umoja wetu.
Dunia Yao
'Dunia Yao' ni riwaya inayothibitisha namna ujasiri wa mwandishi ulivyoimarika kwa kujadili mambo nyeti kuhusu jamii yake na mataifa. Tunakutana na Ndi- anayejifungia njozini kukimbia ukweli unaompa mateso na kuihangaisha akili yake. Mwishowe anaishiwa na kila kitu ila ishara za mauti. Kwa nini? Kitendawili hiki tunakuachia wewe msomaji ukitegue.
n
nUlimwengu wa riwaya hii na msuko wake, na umbo lake na muundo wake, kamwe si wa kawaida. Umetengenezwa kumvutia msomaji kwa njia ya ajabu. Ni wa majaribio yanayovunja sarufi au kanuni zote za lugha na sanaa ili ufanane na dunia tunayoishi leo. Dunia ambayo ni tata na ovyo, iliyobutuka, iliyoparaganyika, inayotuchezesha foliti za mauti, inayonata utamu wa kifo na uchungu wa uhai. Inamtafuta msomaji imnase mara anapokikamata kitabu.
Kanda ya Siri
Chifu Abdullah anaingia katika kazi ngumu kuliko zote alizowahi kuzifanya katika maisha yake, kazi ya kuisaka kanda iliyopotea katika kasri yake. Kanda yenyewe inatembea kutoka mkono mmoja hadi mwingine, huku pande mbili zinazoisaka zikitumia nguvu, pesa na akili kuitafuta.
n
nMsako wa kanda unakutanisha watu wenye tajriba pana katika mambo ya uhalifu. Wapo wanaojeruhiwa, wapo wanaoumizwa, wapo wanaokufa kwa sababu ya kanda, hali inayoitia jeshi la polisi katika kibarua kigumu cha kuwasaka wahalifu hao.
n
nJe, polisi watafaulu kuwapata wahalifu hao. Je, kanda yenyewe itapatikana? Hivi, ndani ya kanda kuna nini?
Pigo la Nafsi
"Halima mwanangu, wakati mwingine nashindwa kuelewa dunia inaelekea wapi. Visa kama hivyo ni vingi tu katika maisha yetu siku hizi. Ajabu ni kuwa, licha ya madhalimu hao kufikishwa mbele ya sheria, wao hufanya hila wakajipa uhuru." Matumaini ya familia ya Halima yanafufuka pale anapopata ajira kama mjakazi. Kwake Halima, anaiona fursa hii kuwa muhimu zaidi katika kutimiza maazimio yake na ndoto zake maishani. Maisha yanamwia mazuri Dar es Salaam hadi siku moja ambapo mambo yanaharibika na kumtia wasiwasi kuhusu mipango yake na mchumba wake. Je, ni mambo gani yaliharibika, na nani kayaharibu?
n
n'Pigo la Nafsi' ni hadithi inayosimuliwa kwa upekee wa namna yake. Hadithi hii imejaa mafunzo yanayoakisi uhalisia wa maisha, katika dunia ya sasa.
Mabandia
'Mabandia' ni tamthilia inayopiga kurunzi ubandia unaojificha na kujifichua kwa sura mbalimbali maishani. Maisha ni kama karata. Wahusika sita wanajitokeza katika maonyesho sita wakifululiza hadi barazani kucheza duru sita za mchezo maarufu wa Wahedi wa Sitini. Mchezo huu huchezwa hasa katika maeneo ya pwani ya Afrika Mashariki.
n
nKupitia vitendawili vinavyoibuka katika maonyesho mbalimbali, mwandishi anagubika hoja kadhaa za ubandia. Hoja hizi zinalenga kutafakarisha jinsi ubandia huo unavyoathiri mitazamo ya binadamu katika nyanja mbalimbali za maisha.
n
nAli Attas ni mwandishi mtajika wa vitabu kadhaa vikiwemo kamusi, vitabu vya lugha na vilevile vya hadithi. Kama mhariri wa vitabu vya elimu, mtangazaji, mwandishi habari na mwalimu wa lugha na fasihi mwenye uzoefu mkubwa, amebugia tajriba pana na za kipekee katika ukumbi wa kukikuza Kiswahili.
Kamwe si Mbali
"Tambo njoo unisaidie. Nimeshalishika lile jisamaki kubwa linaloogelea huru mawinguni bila ya kumeza ndoana limemeza ndoana ... Njoo unisaidie kulivuta jisamaki hili... Je, sikukwambia, Tambo, kwamba kamwe si mbali tena?"
n
nKatika riwaya hii kila kizazi kinapitia nyakati mbalimbali zinazoathiriwa na usasa. Ina hadithi za watu wanaolishana halua au shubiri. Ndani ya hadithi hizo mnaibuka usuria, utumwa, mapenzi motomoto, wakati wa mporomoko na wakati mpya, ukimbizi wa mtu-kwao, dini ya aina moja inayosimamia dini zote. Wanawake wanakusanya nguvu na hatimaye kukata minyororo. Zaidi ya yote hayo ni miujiza inayooneshwa na wahusika ... Haya yote yanasimuliwa na hadithi nyingi katika hadithi moja inayokuzwa na kurambishwa utamu wa lugha.
Othello
Lago anaapa kulipiza kisasi kwa kuivuruga ndoa ya Othello na Desdemona. Njia pekee ya kufanikisha lengo lake ni kumghilibu Othello kuwa mkewe ni mwasherati.
n
nJe, Iago atafaulu katika azma yake? Je, Othello atazikubali hila za Iago? Endapo Othello atashawishika, atamchukulia hatua gani Desdemona?
n
nHaya ni kati ya maswali anayoyajibu William Shakespeare katika tamthiliya hii ya tanzia inayoburudisha, kufunza na kukaidi mpito wa wakati. Tafsiri hii imeandikwa kwa ufundi mkubwa hivi kwamba ule mvuto na mnato wa kazi asilia umedumishwa.
Tubadilishe Jina
Kinyume na sifa na siha yake, kaunti aliyoitawala ilikuwa nyeusi; weusi uliowatia wakazi huzuni kutokana na ulafi na mapuuza ya viongozi. Baya zaidi, sauti za wapinzani dhidi ya umaskini, ukosefu wa ajira na magonjwa zilizimwa. 'Tubadilishe Jina' ni riwaya inayomulika maovu mbalimbali katika jamii yetu ya leo, na madhara yanayotokana na uongozi mbaya. Hadithi hii, vilevile, inaangazia nafasi ya uanaharakati katika kuupiga msasa uongozi ili kudumisha maadili katika jamii.
Mbona Hivi?
Ni vipi mtoto mdogo kama Sandra anafahamu maneno kama hayo? Tena maneno ambayo si ya Kiswahili, si ya Kiingereza, si ya lugha za kigeni au za kiasili. Yanatoka wapi? Ni nani waasisi wake? Mzee Jarida alijiuliza baada ya kumsikia mjukuu wake akizungumza. Maswali hayo yalipita akilini mwake haraka na kukaribisha fikra nyingi.
n
n'Mbona Hivi?' ni riwaya ambayo imeandikwa kwa lugha yenye mvuto na upekee. Inaangazia masuala yanayoathiri vijana na kuibua mjadala – mjadala wa kujadiliwa leo, kesho na hata siku za usoni – kuhusu mustakabali wa lugha ya Kiswahili katika jamii.
Wema Waliobaki
Mazungumzo yao yalikuwa mafupi. Alihitajika nyumbani haraka. Kulikuwa na dharura. Je, nini kilichokuwa kimetokea cha kuibua dharura hii? Ni kipi cha dharura ambacho hakingeweza kupitishwa kwa simu? Si simu zenyewe zinafaa kupitisha jumbe za dharura?
n
n'Wema Waliobaki' ni riwaya inayoakisi sura mbalimbali za maovu yanayotekelezwa na watu wenye tamaa ya kuvuna wasichokipanda katika jamii ya leo. Ni hadithi inayowasawiri wanaja mii kama nduli wala watu; mamba wanaosubiri kwenye kingo za mito kuwavamia watekamaji wasiokuwa na habari. Hata hivyo, katika jamii iliyogubikwa na giza la ukosefu wa maadili hapakosi mwanga; mwanga unaotokana na wema waliobaki, hata kama ni wachache.
Kiti cha Moyoni na Hadithi Nyingine
Ni Rangi Tu
Majaaliwa alipokutana na binadamu wenzake alitamani kujichimbia ardhini ajifiche. Waliicheka rangi yake 'iliyochujuka', kama walivyosema wenyewe. Walimhepa na kumkimbia kama mgonjwa wa ukoma! Wakati mwingine Majaaliwa alijutia majaaliwa aliyopewa, lakini alijijasiri akakabiliana nayo kiume. Aliyakabili kama vile simba jike mwenye hasira anavyomkabili adui, na hatimaye! Hatimaye ...
n
n'Ni Rangi Tu' ni hadithi ya kusisismua iliyoandikwa kwa lugha sahili. Lugha ambayo inateka makini ya msomaji na kumfanya kutaka kuisoma mfululizo bila kukoma.
nAlly Mtenzi, mwandishi wa hadithi hii ni naibu wa Mhariri Mkuu katika runinga ya K24, Shirika la Usambazaji habari la Media Max.
Hatima Ya Kubuni
Wanasayansi, wanaramani mabingwa wameshindwa kutambua kilipokuwa kijiji cha Kubuni na kukiweka juu ya uso wa dunia. Kile wanachojua ni kuwa kijiji chenyewe kilikuwepo, ila sasa hakijulikani kitovu chake. Mzee Pepo tu ndiye aliyeshuhudia kijiji kikitokomea. Anaelezea masaibu yaliyokikumba kijiji hiki kwa namna itakayokuacha wewe msomaji ukistaajabu ...
n
nMwandishi, Hamad Simai, ni mwandishi mtajika wa riwaya na kazi nyingine za kubuni. Aidha, ni mtaalamu wa teknolojia nchini Zanzibar.
Kivuli Cha Ndoto
Waama leo ... leo ninaona miale ya mapambazuko ikinijia taratibu ...” Matamanio ya ufanifu ndiyo huwa ndoto inayomwongoza na kumwandisi mwanadamu maishani. Kezi Pasuamende, anaambikwa ubakaji na hatimaye kuhukumiwa kifungo cha miaka 27. Anakosa kusoma hadi chuo kikuu ili aweze kuwa rubani. Je, ataweza kufanikisha ndoto yake ama atalazimika kukubali chochote ilimuradi aweze kuendesha maisha yake?
n
n'Kivuli cha Ndoto' ni hadithi iliyoandikwa kwa mkono wenye ukwasi wa lugha na uwazi wa kimasimulizi. Ni hadithi ambayo haiishi hamu ya kusomwa tena na tena kwa sababu ya mvuto wake.