QUICK DELIVERY
Swift dispatch
Sinema ya Karate
Kadiri anaingiwa na wasiwasi kutokana na mabadiliko katika tabia ya rafiki yake. Anashangaa anapomwona rafiki yake akitoweka kama moshi baada ya masomo ya kila siku kuisha. Kitendo cha rafiki yake kinamtia ari ya kutaka kufahamu ni kitu gani kinachomtoa mwenzake mbio. Juhudi zake za kutaka kujua anakoenda rafiki yake wakati wa mazoezi ya karate yanaambulia patupu. Kwa sababu hiyo, anaapa kufanya juu chini ili apate kujua kinachoendelea na sababu za rafiki yake kubadilika.
n
nJe, Kadiri atapata kujua kinachomfanya rafiki yake kubadilika? Je, atafanya nini ili kuweka wazi kinachoendelea? Je, ni nini kitatendeka atakapogundua kinachoendelea?
nSinema ya Karate ni kisa cha kiupelelezi. Kisa hiki kinaangazia masuala ya malezi, elimu, uhifadhi wa mazingira miongoni mwa masuala mengine katika jamii. Kisa hiki kimesheheni mbinu na mitindo mbalimbali ambayo itamfaidi mwanafunzi katika kujenga lugha na ubunifu wake.
Uhuru wa Jelani
Je, unafikiri Jelani alihitaji uhuru wa aina gani? Je, ni nini kilichokuwa kimemsababishia ukosefu wa uhuru? Atafanya nini ili aweze kuupata uhuru huo? Je, atafanya nini iwapo ataupata uhuru huo?
n
nUhuru wa Jelani ni novela iliyosukwa kwa mtindo wa kipekee. Mwandishi ameyaweka bayana masuala ya kitamaduni ambayo yanaweza kutinga maendeleo ya mtoto msichana katika jamii ya leo. Novela hii imetumia mbinu anuai za lugha zinazoifanya hadithi yenyewe kuvutia na kumpa msomaji hamu ya kuendelea kusoma. Novela hii imeangazia masuala mtambuko mbalimbali na kusawiri maadili yanayopendekezwa katika Mtaala wa Daraja ya Awali ya Shule za Sekondari.
n
nKuhusu mwandishi
n
nWendo Nabea ni mtunzi wa tamthilia na bunilizi na kadhalika ni mhakiki wa fasihi. Ni mwelekezi, msahalishaji na mwamuzi katika Tamasha za Drama na Filamu na aidha Tamasha za Muziki za shule na vyuo nchini Kenya. Alipata shahada yake ya kwanza katika Chuo Kikuu cha Nairobi aliposoma Kiswahili na Fasihi ya Kiingereza na ambapo pia alisomea Uzamili. Baadaye alijiunga na Chuo Kikuu cha Vienna, Austria, kwa masomo ya Uzamifu. Hivi leo ni Profesa katika Chuo Kikuu cha Laikipia nchini Kenya anapofundisha Fasihi na Mawasiliano. Wendo Nabea ni mwandishi wa tamthilia Insha ya Siri iliyochapishwa na Shirika Ia Uchapishaji Ia Oxford.
Twala Wapi Leo?
Tumalize anashangazwa na hatua ya baba yake kuwapa kitu fulani, watu fulani, kila siku asubuhi anapoenda shuleni. Kitendo cha baba yake kinamtia mshawasha wa kutaka kujua ni kitu gani hicho wanachopewa watu wale. Juhudi zake za kutafuta maelezo kutoka kwa baba yake kuhusu kitu hicho na sababu ya yeye kukitoa kwa watu wale zinagonga mwamba. Kwa sababu hiyo, anaapa kufanya juu chini ill apate kujua kitu hicho, na sababu inayofanya watu wale wapewe kitu hicho.
n
nJe, Tumalize atapata kujua kitu hicho wanachopewa watu hao? Je, atafanya nini ili kubaini kitu hicho? Je, ni nini kitatokea atakapopata kugundua kitu chenyewe?
n
nTwala Wapi Leo? ni kisa cha kusisimua cha kiupelelezi. Kisa hiki kinaangazia masuala ya malezi, elimu, ufisadi, ujasiriamali miongoni mwa masuala mengine katika jamii. Kisa hiki kimesheheni mbinu na mitindo mbalimbali ambayo itamfaidi mwanafunzi katika kujenga ubunifu wake na vilevile lugha yake.
n
nKuhusu mwandishi
n
nShullam Nzioka ni mwandishi, mfasiri, msawidi na ashiki wa lugha ya Kiswahili. Ameandika kazi mbalimbali za fasihi, zikiwamo novela, hadithi fupi na hadithi za watoto. Kitabu chake, Mbona Hivi? kilishinda tuzo ya Jomo Kenyatta Prize for Literature kitengo cha kijana mnamo mwaka wa 2021. Baadhi ya kazi zake zilizowahi kuchapishwa ni pamoja na Si Kitu na Shani ya Saa (hadithi fupi) iliyo katika kitabu Utashi wa Dola. Mbali na hayo, amewahi kufanya kazi katika shirika la International Bible Students Association.
Tubadilishe Jina
Kinyume na sifa na siha yake, kaunti aliyoitawala ilikuwa nyeusi; weusi uliowatia wakazi huzuni kutokana na ulafi na mapuuza ya viongozi. Baya zaidi, sauti za wapinzani dhidi ya umaskini, ukosefu wa ajira na magonjwa zilizimwa. 'Tubadilishe Jina' ni riwaya inayomulika maovu mbalimbali katika jamii yetu ya leo, na madhara yanayotokana na uongozi mbaya. Hadithi hii, vilevile, inaangazia nafasi ya uanaharakati katika kuupiga msasa uongozi ili kudumisha maadili katika jamii.
Mbona Hivi?
Ni vipi mtoto mdogo kama Sandra anafahamu maneno kama hayo? Tena maneno ambayo si ya Kiswahili, si ya Kiingereza, si ya lugha za kigeni au za kiasili. Yanatoka wapi? Ni nani waasisi wake? Mzee Jarida alijiuliza baada ya kumsikia mjukuu wake akizungumza. Maswali hayo yalipita akilini mwake haraka na kukaribisha fikra nyingi.
n
n'Mbona Hivi?' ni riwaya ambayo imeandikwa kwa lugha yenye mvuto na upekee. Inaangazia masuala yanayoathiri vijana na kuibua mjadala – mjadala wa kujadiliwa leo, kesho na hata siku za usoni – kuhusu mustakabali wa lugha ya Kiswahili katika jamii.
Wema Waliobaki
Mazungumzo yao yalikuwa mafupi. Alihitajika nyumbani haraka. Kulikuwa na dharura. Je, nini kilichokuwa kimetokea cha kuibua dharura hii? Ni kipi cha dharura ambacho hakingeweza kupitishwa kwa simu? Si simu zenyewe zinafaa kupitisha jumbe za dharura?
n
n'Wema Waliobaki' ni riwaya inayoakisi sura mbalimbali za maovu yanayotekelezwa na watu wenye tamaa ya kuvuna wasichokipanda katika jamii ya leo. Ni hadithi inayowasawiri wanaja mii kama nduli wala watu; mamba wanaosubiri kwenye kingo za mito kuwavamia watekamaji wasiokuwa na habari. Hata hivyo, katika jamii iliyogubikwa na giza la ukosefu wa maadili hapakosi mwanga; mwanga unaotokana na wema waliobaki, hata kama ni wachache.
Kitumbua Kimeingia Mchanga
'Kitumbua Kimeingia Mchanga' ni tamthilia inayozusha mawazo kuhusu tofauti zilizoko baina ya mila na tamaduni za kale na za kisasa kuhusu suala la ndoa. Pia imeshughulikia uhuru wa vijana wa kileo kinyume na matakwa ya wazee wao. Fikirini hakubali kuchaguliwa mke na babake, Bw Mambo na nyanyake, Bi Hoja. Wazee wake wanaona jambo la kumchagulia mtoto wao mke ni jukumu lao. Vilevile, wanamtuhumu Hidaya, msichana ambaye Fikirini anataka kumuoa, kuwa ni kiruka njia, mhuni na muovu. Je, Fikirini atashinda kuwatoa shaka na kuwashawishi wazee wake wamkubalie analolipenda? Je, ndoa ya Fikirini itafanikiwa?
Kiti cha Moyoni na Hadithi Nyingine
Heri Subira
Ni Rangi Tu
Majaaliwa alipokutana na binadamu wenzake alitamani kujichimbia ardhini ajifiche. Waliicheka rangi yake 'iliyochujuka', kama walivyosema wenyewe. Walimhepa na kumkimbia kama mgonjwa wa ukoma! Wakati mwingine Majaaliwa alijutia majaaliwa aliyopewa, lakini alijijasiri akakabiliana nayo kiume. Aliyakabili kama vile simba jike mwenye hasira anavyomkabili adui, na hatimaye! Hatimaye ...
n
n'Ni Rangi Tu' ni hadithi ya kusisismua iliyoandikwa kwa lugha sahili. Lugha ambayo inateka makini ya msomaji na kumfanya kutaka kuisoma mfululizo bila kukoma.
nAlly Mtenzi, mwandishi wa hadithi hii ni naibu wa Mhariri Mkuu katika runinga ya K24, Shirika la Usambazaji habari la Media Max.
Hatima Ya Kubuni
Wanasayansi, wanaramani mabingwa wameshindwa kutambua kilipokuwa kijiji cha Kubuni na kukiweka juu ya uso wa dunia. Kile wanachojua ni kuwa kijiji chenyewe kilikuwepo, ila sasa hakijulikani kitovu chake. Mzee Pepo tu ndiye aliyeshuhudia kijiji kikitokomea. Anaelezea masaibu yaliyokikumba kijiji hiki kwa namna itakayokuacha wewe msomaji ukistaajabu ...
n
nMwandishi, Hamad Simai, ni mwandishi mtajika wa riwaya na kazi nyingine za kubuni. Aidha, ni mtaalamu wa teknolojia nchini Zanzibar.
Kivuli Cha Ndoto
Waama leo ... leo ninaona miale ya mapambazuko ikinijia taratibu ...” Matamanio ya ufanifu ndiyo huwa ndoto inayomwongoza na kumwandisi mwanadamu maishani. Kezi Pasuamende, anaambikwa ubakaji na hatimaye kuhukumiwa kifungo cha miaka 27. Anakosa kusoma hadi chuo kikuu ili aweze kuwa rubani. Je, ataweza kufanikisha ndoto yake ama atalazimika kukubali chochote ilimuradi aweze kuendesha maisha yake?
n
n'Kivuli cha Ndoto' ni hadithi iliyoandikwa kwa mkono wenye ukwasi wa lugha na uwazi wa kimasimulizi. Ni hadithi ambayo haiishi hamu ya kusomwa tena na tena kwa sababu ya mvuto wake.
Kipendacho Roho
Mashaka
Nini ambacho Kiburi hakubarikiwa nacho; mali, ulimbwende au umaarufu? Lakini, vyote hivi havikutosha kumpa raha aliyoisaka maishani. Kwa upande mwingine, Mashaka anakumbana na mashaka kwa sababu ya kiburi cha Kiburi. Sio kwamba Kiburi hakumpenda Mashaka. La, hasha! Alimpenda sana na alikuwa tayari kumwaga mali yake yote, mradi tu ampate. Basi, binadamu huhitaji nini ili kufurahia ukamilifu wa maisha? Hili ndilo swali ambalo mwandishi anauliza katika kisa hiki cha kuburudisha na kuelimisha.
Si Kitu
Mlemavu? Si mimi
Godfrey Ipalei, kama mhusika mkuu, anajiandikia tawasifu yake kuwatangazia walimwengu kuwa mtu yeyote anaweza kuyafikia malengo yake na kutimiza ndoto zake maishani licha ya changamoto za kimaumbile. Anasisitiza kuwa ulemavu ni wa fikira na mielekeo hasi. Msomaji anatiwa moyo kutambua na kurutubisha kipawa alichonacho.
Kosa si Kosa?
Upande Mwingine
